跳至主要內容

米蘭新景點 + outlet + 退稅

再次踏足米蘭，Shopping 仍然是指定動作，除了必到名店外，我們亦去了不少新場。



Piazza Gae Aulenti 屬於米蘭的新區，呢度比我嘅感覺就好似返佐香港般，處處玻璃外牆大廈，跟米蘭大教堂附近的歷史建築感覺完全不同。種滿植物的The Vertical Forest 為呢個新區增添了不少生氣，難得在高樓大廈中，見到綠色森林，得！影夠相後，記得嘆番杯GROM gelato，Gelato 好味到一個點，排隊也一定要食！


The Vertical Forest




Piazza Gae Aulenti 有天橋連接至Corso Como，呢度有唔少小店和餐廳，10 Corso Como 必然是朝聖首選，正！


我個人十分喜歡Eataly Milano，呢度係一個大型超級市場，裏面有唔少意大利食材，我們買得好開心。





Eataly 內有間米芝連一星餐廳Alice，網友話午餐抵食，我們決定一試。餐廳的食物味道的確唔錯，可惜餐廳侍應的質素嚴重有問題。話說我們揀了一個包佐一杯酒嘅午餐，餐廳職員介紹了一款個餐無包嘅酒比我們，但又無講清楚，而原本包嗰杯酒又從來無出現過，比錢嘅時候才知道杯酒原來要成Euro 15。係香港茶記熱飲轉凍飲侍應都會話你知要加兩蚊啦，估唔到米芝連嘅服務質素會差到咁，失望！






Eataly Milano附近的High Tech 以銷售家品雜貨為主，呢度有唔少有趣商品，但淘寶味甚濃呢！





去到歐洲無理由唔去outlet，此行我們揀了距離米蘭約一個多小時車程嘅Serravalle Designer Outlet，Outlet 內有Pandora、Gucci、Prada、Nike、Boss等，我們唔算買得多，但部分品牌嘅貨品真係堅平。Dumo附近更有shuttle去outlet ，記得先買車票，否則就好似我地咁要再等下一班車了！

售票shuttle bus車票的店舖就在這裡進入

這裡是售票shuttle bus車票的店舖, 亦是集合地點




依家係米蘭 MXP機場退稅亦十分方便，填寫好所有退稅單後，便可係機場的 Global Blue / Premier Tax 等退稅公司櫃檯直接辦理。我們選擇退款到信用卡，因手續費較退現金為低。 係Global Blue / Premier Tax 櫃檯完成手續後，職員會比番收據記錄，無須再去海關蓋印，就可以直接去check-in，超方便。我約一星期已經收到Global Blue 的退款，Premier Tax的退款 就差不多一個月才收到！



旅遊日期：2019年4月

標籤：

留言

發佈留言

此網誌的熱門文章

中伏 @ Kani-shigure Namba Store

某日本通明星於關西旅遊節目揚言去大阪唔一定要食蟹道樂，並推介Kani- shigure。我們一於去試一試，睇吓是真還是假！ 我們shopping 到3pm 才上去食，入到餐廳見無乜人已有點懷疑，一開始食就確定中伏了！ 餐嘅價錢的而且確比蟹道樂平一㸃，但無論食物賣相、質素和味道都差一截，火！ 蟹棒刺身竟配三文魚，食到第二味已上火。 你睇，個鍋竟然係爛的，呢度係日本嗎？慶幸個鍋嘅湯底尚算鮮甜。 呢幾味嘅賣相同味道一致，超普通。。 當侍應放低呢份野嘅時候，真係唔知做咩，想點呀？ 原來要自己動手做Risotto，講真食到呢度，已經勁失望，仲要自己動手？ 唔單止食物質素低，呢度嘅服務亦係0分，因為侍應永遠係黑面。幾千Yen一位嘅價錢食呢啲質素，仲要受氣，真係想喊！由於時間關係，此行唔可以再安排時間食蟹道樂！深深不忿嘅情況下，當晚立即係facebook同朋友仔分享，竟然有好多知音人，各位小心睇路！ 旅遊日期：2017年1月
發佈留言
閱讀更多

德國必買及退稅

出發前還以為德國無咩好買，㸃知最後係要買多個Rimowa hand-carry喼先夠放戰利品，最終係半個喼去，3個喼返（1個28寸、1個26寸及1個21寸），仲未計手拿的3大袋手信，確實唔簡單！ 唔好諗住可以係德國買Hermes，法蘭克福嘅Hermes店，款式少到不得了，相比巴黎店，完全唔掂！唔知係咪我好彩，Chanel 法蘭克福店竟然係我們旅遊期間裝修！LV貨品算是最齊全，不論柏林、慕尼黑或法蘭克福都總有一間大LV係附近，LV迷絕對唔需要擔心！ 除佐呢D女士至愛外，究竟德國仲有咩好買呢？Birkenstock、Lloyds同Hugo Boss 呢3個德國牌子比香港平一大截，若係outlet買，價錢接近半價，我們買到儍佐！ 計埋退稅，呢個classic 款Rimowa 比香港平近HK$3,000。 而呢款就平佐接近HK$1,300，無計依家歐元只係對8.4，淨係計滙率都夠抵！ 女士們買唔到Hermes 袋唔駛太失望，呢度買Swarovski 同 Pandora一樣比香港平！我係outlet 買Pandora，價錢係50%-70% off，137歐羅就有交易，仲可以退稅，正！ 係德國，買夠25歐羅已可退稅，基本上係Zara買件衫已可以，德國政府算是對遊客十分慷慨！可能太容易符合退稅要求，樣樣野都變相多個額外折扣，我們買得勁開心，而大部分店員亦唔會check我們passport，只係再印多張退稅單比我們自行填寫有關資料，非常方便！ 不過係機場攪退稅手續，就相比係意大利、巴黎同英國煩，首先要攞D行李去航空公司櫃台check in，若果行李內有退稅品，要等空姐係件行李整好條登機標籤後，再攞番D行李同單據去custom，海關會係單據上蓋印，跟住再去退稅櫃台，你可以選擇取回現金又或者退落信用卡，但取現金就要每張單收3歐羅手續費，嘩！咁當然揀信用卡啦！ 攪完晒退稅手續，就可以攞D寄倉行李去旁邊counter，他們會安排D行李登機，整個過程連排隊，我們差不多用了一小時呢！ 德國退稅額為8%至接近12%，視乎商舖而定，LV及Rimowa退稅額較高，而Zara則較低！ 提提你瑞士已不是歐聯國家，係瑞士買嘅野唔可以係歐元區退稅架！ 旅遊日期：2015年4月 唔得閒去歐洲掃平貨？唔緊要，依家香港有很多代購服務，實行為各位以更低價錢買心愛產品，（容許少少廣告時間）誠意推介呢間由好朋友主理的歐
4 則留言
閱讀更多

好味芝士火鍋 @ 蘇黎世

初次踏足瑞士，當然要試試地道芝士火鍋（Cheese Fondue），感受吓瑞士的傳統「芝」味！ 正所謂人生路不熟，上網看罷食評，已立即訂位，怎料全部爆滿，心想唔係掛，何解12月初的蘇黎世咁難搵食？我們唯有行 Plan B，實行早D去食！ 我們係尼達道夫街（Niederdorfstrass）行了一陣聖誕市場，便於 黃昏6點零 走進Swiss Chuchi 碰碰運氣。有禮女侍應開出7點半還枱條件，我們諗到唔諗一口應承！坐下時，個男侍應話我們今晚超幸運，因為佢地全晩爆滿！嘩！乜原來蘇黎世真係咁難搵食，感恩我們 Plan B 計劃成功！ 坐低一望差不多枱枱都食Fondue 同烤肉，我們決不執輸，照跟！ 同枱整餅高手話地道瑞士火鍋一般酒味太濃，香港人未必喜歡，於是我們落單時要求Fondue減酒，果然減酒後的芝士火鍋超級好味，芝士香濃且帶有少少酒香，得！連平時因怕肥而少吃芝士的我亦吃過不停，一於食埋先算！ 起初見到呢個烤肉拼盤平平無奇，心覺不妙，怎料三款肉類（包括 牛肉、雞肉和豬肉） 都味道出色，唔通無添加嘅歐洲豬、雞及牛真係份外好味？ 不得不推介這個烤芝士，侍應教我們先將整片芝士放入烤爐內烤至半溶，然後再放在微暖的薯仔上一齊食，呢個組合簡直係最好味嘅增肥拍檔！ 除了全枱高脂食物外，我們亦有order 沙津，當然相比起芝士火鍋、烤芝士薯仔同烤肉，個沙津味道相對普通了一㸃。 最後我們還㸃了甜品，靚女侍應推介嘅呢個 Toblerone parfait 超得，朱古力味道恰到好處，不會太甜，我們很快就KO一整碟！ 埋單盛惠CHF112.5即HK$1,000唔駛連3杯紅酒，個人覺得好抵，話晒瑞士D野超貴呢！ Swiss Chuchi位於Hotel Adler內，鄰近跳蚤市場，十分易搵，值得一試！ www.swiss-chuchi.ch 旅遊日期：2014年12月
發佈留言
閱讀更多