好味日本料理 @ 台北

年30晩台北大部分食肆都收爐，欣葉又全線爆滿，唯有請教Concierge，最終我們去佐市政府站附近的三井Cuisine M日本料理。

我們揀佐每位台幣2800嘅節日套餐，呢個價錢係台北絕對唔平，既然係羊年最後一餐就食豪啲吧！

頭盤唔算特別，不過烏魚子好味！

呢份一人前嘅刺身拼盤好新鮮呢！

第一次吃毛蟹，可能因為本身對蟹有啲敏感關係，個人覺得一般，不過我老公就食得津津有味！

個人十分喜歡這味銀雪魚，外皮燒得十分香口，魚肉間卻滲透著豐富魚汁，超美味，正！

食到呢味時，我已經飽了8成，本來諗住食兩啖就算，估唔到呢碟牛竟然係份餐嘅另一焦點，雖然肉質未到入口即溶，但牛肉卻美味無窮！

嘩！嘩！嘩！尚未完，呢碗龍蝦湯鮮甜無比，就算要食敏感藥都飲完先算。

最後甜品同生果一齊上，我就算飽到不得了，都一於食埋先減！

如此高水準的食物，係香港食必貴得驚人。

三井Cuisine M不但食物質素高，餐廳環境亦超正，下次去台北記得要試試啊！

旅遊日期：2016年2月