好食餐廳推介 @ 倫敦

7月倫敦之旅，除佐去了我最愛嘅Duck & Waffle 同 Maze Gordon Ramsay 外，仲試佐好幾間唔錯嘅餐廳，一次過係度介紹晒比大家！

論景觀、環境、創意及食物質素，Duck & Waffle 一定無得輸，不過除佐難訂位外，亦無可能餐餐一樣，推介你試一間同樣難訂位嘅餐廳Clos Maggiore。

Clos Maggiore 走高上路線，食物價錢較貴，雖然沒有高居臨下嘅景觀，但一樣難book。餐廳係opentable 評價極高，攞足4.5分，究竟有幾正？一踏進餐廳，我已被他們嘅裝修深深吸引，置身於滿天白色小花的佈局下進餐，感覺超浪漫！

Clos Maggiore 位於Covent Garden，最佳晚飯時間係星期一至四黃昏5㸃，因為呢度有pre-theatre dinner menu ，抵食好多架！

呢度嘅食物賣相如環境一樣優雅，食物水準超高，尤其係碟牛，做得十分鬆軟，得！

雖然係 pre-theatre dinner menu，但他們亦有免費送來餐後甜品，讚！

既然係pre-theatre dinner，餐廳講到明7pm 要還枱，食飽去睇Phantom of the Opera 就啱晒！

論最近嘅人氣之選，位於Shangri-la Hotel The Shard 內嘅 Ting Restaurant 定必榜上有名！呢度同Duck & Waffle一樣，坐擁倫敦最佳景觀，夜景最煞食！可惜訂唔到位，我們唯有改食午餐！

呢度嘅午餐價錢同 Clos Maggiore 嘅 pre-theatre dinner menu 差不多，食物賣相相對精緻，味道亦不錯，不過個人更愛 Clos Maggiore 主菜的味道！

嚟到國際5星級酒店食飯，當然會期望有好嘅服務，可惜呢度有侍應嘅水準嚴重唔達標。話說當我們食到主菜時，發現隔離枱一坐底就有麵包，我們就完全無食過，作為代表香港嘅港女當然會出聲，個英藉四眼女侍應一臉愕然，仲答得好妙咁話完全唔關佢事，佢仲話最大嘅問題係我地已經食到主菜，似乎唔太適合！唔係化！最大嘅問題係你地唔記得比麵包我們呀小姐，可能我個樣已反映佐我嘅不滿，佢最後問我們仲要唔要，咁當然要啦，這是我們應得的，不過個四眼女侍應好明顯好不滿，跟著我個杯無水，佢寧願將枝仲有幾啖嘅水拿走都唔加比我！既然枝水我要比錢，我當然要求佢加埋比我先啦，跟住個四眼女侍應好不滿咁話已經無晒，我梗係唔會放過佢，仲叫佢比個名我，本來我真係諗住投訴佢，但隔佐幾分鐘，有個華藉女經理走來跟我們了解。個女經理就好明顯好醒目，原來佢曾經係香港Shangri-la 工作，依家係倫敦亦主要訓練侍應嘅服務態度，我諗佢嘅工作應該一啲都唔簡單。到我們埋單時，佢只收我們2個courses嘅價錢（我們原本食3個courses的），條氣雖然順佐啲，但老實講，我寧願比錢都唔寧願受氣！