趁未太凍,堅兄最近去佐北海道玩佐6日,第一站先去小樽浪漫吓。講起小樽,我即時諗起音樂盒。點知堅兄話去到小樽第一時間係浸溫泉,吓?原來小樽都有溫泉酒店,真係大鄉里!
雖然房間有露天風呂,但就要朝早先可以浸,原因係風呂面對著草叢,夜晚有蚊!不過酒店亦設有公眾溫泉,夜晚同樣可以浸返夠本!
呢間Asari Classe Hotel 距離小樽運河約20-30分鐘車程,亦有shuttle bus接送至附近JR站。酒店設有停車場,泊車免費,自駕遊十分方便!
堅兄揀了附設露天風呂的房間,房間尚算大,仲有張按摩椅比你浸完再鬆一鬆,堅兄話呢種房成間酒店只有6間!
雖然房間有露天風呂,但就要朝早先可以浸,原因係風呂面對著草叢,夜晚有蚊!不過酒店亦設有公眾溫泉,夜晚同樣可以浸返夠本!
日本人確實愛心無限,房間內竟然有包野鳥乾糧,而露天部分亦設有一個盤,房客可以將乾糧放入去比野鳥食。堅兄話D野鳥好怕人,一有人行近就立即飛走!
早餐係buffet,選擇豐富,仲附送個無敵靚景,正!
呢間房約HK$1,800至HK$2,000 一晩連早餐,酒店亦有免費wifi,如此價錢算是十分經濟了!
值得一提的是酒店內既拉麵店好得,雖然湯底嘅選擇只得醬油,味噌同鹽3種,但堅兄話好味到不得了,叉燒好滑,入口即容,麵又夠彈牙,而且價錢亦唔貴,只係700Yen至1000Yen。下次嚟記得一試啊!
旅遊日期:2014年11月
留言
發佈留言