2014年10月1日我沒有留在香港見證歷史,因一早已計劃了九州遊。對於一個shopping精嚟講,九州遊可算是一次很大的妥協,因九州同shopping確實難以繫在一起!
酒店位近別府灣,由別府站步行至酒店只需約15分鐘,我們去程係別府站前坐的士,5分鐘即到,只係640Yen!抵!
為了安慰自己,我決定住豪D,訂佐一間設有獨立風呂兼享別府灣海景的酒店,實行二泊四食,享受一下!
Umine Hotel 在tripadvisor 的別府酒店中排行第二,人人讚好。酒店設計舒服優雅,我們一踏進酒店大堂已知無揀錯,當職員帶我們上到房後,我開心到不停地向職員説very nice !
呢個半露天風呂,可以一邊浸一邊欣賞別府灣美景,我們一於日浸夜浸享受一番,超爽!
浸完湯可以坐係半露天地方邊歎凍綠茶邊聽海浪聲,真係咩煩惱都忘記得一乾二淨,呢D生活係香港確實難求呢!
半露天地方連接著沐浴室同更衣室,更衣室內用品齊備,正過樓下會所呢!
房間內設有客廳,L形梳化同大電視,正!
客廳另一邊設有餐枱和餐椅,窗外附送别府灣景,你教我怎能不興奮呢!
電視後面就是瞓覺地方,同是乾淨舒服,浸完湯後可以發個好夢了!
廁所設於房間入口,你睇連個洗手盆都特別過人,真係無得輸啦!
不得不提的是房間內的所有飲品均是免費,飲完第二日仲會refill!Like!
話明二泊四食,我們足足食了4餐,食物方面又如何呢?下篇再續!
www.umine.jp
www.umine.jp
旅遊日期:2014年10月
留言
發佈留言