跳至主要內容

推介箱根強羅白檀温泉酒店

20167月開幕的箱根強羅白檀温泉酒店只有16間客房,所有房間均附有私人露天風呂。12月的東京之旅,我們在此住了兩晚,真心推介。




酒店每個角落也籠罩着白檀芳香,感覺輕鬆舒服。Check in時酒店職員會奉上日式糕點、綠茶及熱毛巾,很細心。





我們預訂的是Semi Western-Style 房間,房間不算大,約有35m2,樣樣俱全。房間設計走時尚路線,床褥舒適好瞓。浴室設於自然庭園旁,方便沐浴後直奔到露天風呂。在這𥚃,你可以一邊享受溫泉浴,一邊欣賞大自然的樂韻,洗滌心靈,重新定位人生,正!










根據酒店官網,強羅温泉的成份是鹼性氯化鈉,有助皮膚光滑,據說亦可有效治療肌肉及關節疼痛等。後者就不太清楚,但我倆浸完後皮膚的確滑了不少。




兩晚的晚餐都是懷石料理,酒店亦安排了不同的食材,食物味道不錯,我們兩晚也有驚喜。


第一晩的晚餐





燒和牛超正








第二晩的晚餐





蒸和牛很有驚喜








早餐方面,他們兩天的安排也有不同,但第一次的早餐明顯地較第二次的豐富。


第一次早餐


這個雞鍋超鮮味



第二次早餐







房間雪櫃內的所有飲品都是免費供應,浸飽熱騰騰的溫泉後,嘆枝凍飲,感覺超爽。




最令我們驚喜的是酒店在晚上免費提供懷舊零食,房客可於大堂內自行索取,喜歡食幾多都冇問題。除零食外,酒店分別於晚上及早上也在大堂供應酒精飲品,房客可免費任飲,這酒店實在非常慷慨呢!





若然揸車來酒店的話,請留意GPS並不能準確地以酒店的電話號碼找到酒店的正確位置,需於酒店附近留意路牌。我們第二天回酒店的時候,同時用GPS 及Google Map也兜了三個圈才成功回到酒店。第一次來的朋友,強烈建議你天黑前到達酒店。


跟其他酒店一樣,越早預訂,價錢越低,平日星期一至五的房價一般較星期六及日便宜。例如,在12月中預訂明年3月中,平日價錢約HK$3500包早餐和晚餐,星期六價錢則貴數百元。若在12月中預訂明年2月初,平日價錢也要HK$4300HK$5400。正所謂,機會是留比有準備的人,如果可以的話,記得做些預訂酒店,反正大部份預訂也可以免費取消呢!


箱根強羅白檀温泉酒店網站


旅遊日期:202212












留言

此網誌的熱門文章

中伏 @ Kani-shigure Namba Store

某日本通明星於關西旅遊節目揚言去大阪唔一定要食蟹道樂,並推介Kani- shigure。我們一於去試一試,睇吓是真還是假! 我們shopping 到3pm 才上去食,入到餐廳見無乜人已有點懷疑,一開始食就確定中伏了! 餐嘅價錢的而且確比蟹道樂平一㸃,但無論食物賣相、質素和味道都差一截,火! 蟹棒刺身竟配三文魚,食到第二味已上火。 你睇,個鍋竟然係爛的,呢度係日本嗎?慶幸個鍋嘅湯底尚算鮮甜。 呢幾味嘅賣相同味道一致,超普通。。 當侍應放低呢份野嘅時候,真係唔知做咩,想點呀? 原來要自己動手做Risotto,講真食到呢度,已經勁失望,仲要自己動手? 唔單止食物質素低,呢度嘅服務亦係0分,因為侍應永遠係黑面。幾千Yen一位嘅價錢食呢啲質素,仲要受氣,真係想喊!由於時間關係,此行唔可以再安排時間食蟹道樂!深深不忿嘅情況下,當晚立即係facebook同朋友仔分享,竟然有好多知音人,各位小心睇路! 旅遊日期:2017年1月

德國必買及退稅

出發前還以為德國無咩好買,㸃知最後係要買多個Rimowa hand-carry喼先夠放戰利品,最終係半個喼去,3個喼返(1個28寸、1個26寸及1個21寸),仲未計手拿的3大袋手信,確實唔簡單! 唔好諗住可以係德國買Hermes,法蘭克福嘅Hermes店,款式少到不得了,相比巴黎店,完全唔掂!唔知係咪我好彩,Chanel 法蘭克福店竟然係我們旅遊期間裝修!LV貨品算是最齊全,不論柏林、慕尼黑或法蘭克福都總有一間大LV係附近,LV迷絕對唔需要擔心! 除佐呢D女士至愛外,究竟德國仲有咩好買呢?Birkenstock、Lloyds同Hugo Boss 呢3個德國牌子比香港平一大截,若係outlet買,價錢接近半價,我們買到儍佐! 計埋退稅,呢個classic 款Rimowa 比香港平近HK$3,000。 而呢款就平佐接近HK$1,300,無計依家歐元只係對8.4,淨係計滙率都夠抵! 女士們買唔到Hermes 袋唔駛太失望,呢度買Swarovski 同 Pandora一樣比香港平!我係outlet 買Pandora,價錢係50%-70% off,137歐羅就有交易,仲可以退稅,正! 係德國,買夠25歐羅已可退稅,基本上係Zara買件衫已可以,德國政府算是對遊客十分慷慨!可能太容易符合退稅要求,樣樣野都變相多個額外折扣,我們買得勁開心,而大部分店員亦唔會check我們passport,只係再印多張退稅單比我們自行填寫有關資料,非常方便! 不過係機場攪退稅手續,就相比係意大利、巴黎同英國煩,首先要攞D行李去航空公司櫃台check in,若果行李內有退稅品,要等空姐係件行李整好條登機標籤後,再攞番D行李同單據去custom,海關會係單據上蓋印,跟住再去退稅櫃台,你可以選擇取回現金又或者退落信用卡,但取現金就要每張單收3歐羅手續費,嘩!咁當然揀信用卡啦! 攪完晒退稅手續,就可以攞D寄倉行李去旁邊counter,他們會安排D行李登機,整個過程連排隊,我們差不多用了一小時呢! 德國退稅額為8%至接近12%,視乎商舖而定,LV及Rimowa退稅額較高,而Zara則較低! 提提你瑞士已不是歐聯國家,係瑞士買嘅野唔可以係歐元區退稅架! 旅遊日期:2015年4月 唔得閒去歐洲掃平貨?唔緊要,依家香港有很多代購服務,實行為各位以更低價錢買心愛產品,(容許少少廣告時間)誠意推介呢間由好朋友主理的歐

好味芝士火鍋 @ 蘇黎世

初次踏足瑞士,當然要試試地道芝士火鍋(Cheese Fondue),感受吓瑞士的傳統「芝」味! 正所謂人生路不熟,上網看罷食評,已立即訂位,怎料全部爆滿,心想唔係掛,何解12月初的蘇黎世咁難搵食?我們唯有行 Plan B,實行早D去食! 我們係尼達道夫街(Niederdorfstrass)行了一陣聖誕市場,便於 黃昏6點零 走進Swiss Chuchi 碰碰運氣。有禮女侍應開出7點半還枱條件,我們諗到唔諗一口應承!坐下時,個男侍應話我們今晚超幸運,因為佢地全晩爆滿!嘩!乜原來蘇黎世真係咁難搵食,感恩我們 Plan B 計劃成功! 坐低一望差不多枱枱都食Fondue 同烤肉,我們決不執輸,照跟! 同枱整餅高手話地道瑞士火鍋一般酒味太濃,香港人未必喜歡,於是我們落單時要求Fondue減酒,果然減酒後的芝士火鍋超級好味,芝士香濃且帶有少少酒香,得!連平時因怕肥而少吃芝士的我亦吃過不停,一於食埋先算! 起初見到呢個烤肉拼盤平平無奇,心覺不妙,怎料三款肉類(包括 牛肉、雞肉和豬肉) 都味道出色,唔通無添加嘅歐洲豬、雞及牛真係份外好味? 不得不推介這個烤芝士,侍應教我們先將整片芝士放入烤爐內烤至半溶,然後再放在微暖的薯仔上一齊食,呢個組合簡直係最好味嘅增肥拍檔! 除了全枱高脂食物外,我們亦有order 沙津,當然相比起芝士火鍋、烤芝士薯仔同烤肉,個沙津味道相對普通了一㸃。 最後我們還㸃了甜品,靚女侍應推介嘅呢個 Toblerone parfait 超得,朱古力味道恰到好處,不會太甜,我們很快就KO一整碟! 埋單盛惠CHF112.5即HK$1,000唔駛連3杯紅酒,個人覺得好抵,話晒瑞士D野超貴呢! Swiss Chuchi位於Hotel Adler內,鄰近跳蚤市場,十分易搵,值得一試! www.swiss-chuchi.ch 旅遊日期:2014年12月