西班牙馬德里之行令我對呢個地方完全改觀，呢個一直與危險兩字掛鉤的地方唔單止有靚景點，仲有價廉味美的食物，購物方面選擇亦多，名店以外仲有優質平價商品，包容性高，讚👍🏻！
我們的酒店位於Gran Via，步行距離已可到多個景點，包括西班牙皇宮、西班牙廣場、狄波神殿及東方廣場，十分方便。
Palacio Real （皇宮）係歐洲現存的第三大皇宮，僅次於法國凡爾賽宮及維也納皇宮。Palacio Real 代表著西班牙皇室最鼎盛時期的建築。 西班牙皇宮面積較凡爾賽宮細，唔計公園，我們只係用佐約兩小時便行完。不過，皇宮內外都堅靚，值得一去。如果唔想排長龍買票，遊客最好先係網站預約，慳番少少腳骨力。
狄波神殿係擁有2000多年歴史嘅古埃及神殿，在藍天下的狄波神殿顯得份外壯麗。
東方廣場建於19世紀，花園內有國王腓力四世騎馬雕像。呢度又係手機最忙碌的地方，我們途經兩次都係不停影。
距離東方廣場不遠的主廣場，星期五下午3時多嚟到，廣場已經非常熱鬧，究竟係西班牙人唔駛返工，還是呢度全部是遊客呢？
Gran Via 係馬德里有名嘅購物街，呢度可以搵到Primark 、Pull & Bear、Zara、Loewe、Bershka、Nike、H&M等，Gran Via 街道寬闊好行，而西班牙最大百貨公司 El Corte Ingles 亦近在咫尺，正！
朋友話搶劫情況係馬德里好普遍，嚟到馬德里一切比想像中安全，街頭亦有唔少警察騎著馬巡邏，型！
感恩，我們在馬德里有個平安及開心的旅程！
旅遊日期：2018年4月
留言
發佈留言