於2015年12月才開幕的箱根湯本溫泉月之宿SARA,每間房間均設有私人風呂,亦唔駛瞓 tatami,大愛。8月底東京之旅,我們係度住了兩晚,Like 爆!
酒店設計走時尚日式路線,房間寬敞舒適,且備有梳化,浸完浴可以坐係梳化食零食同歎電視,這才是生活!
露台設有私人風呂,按製後熱水流出約10分鐘便自動停下來,盡展科技帶來的方便。呢度嘅溫泉(不論是公眾溫泉區,還是私人溫泉)無色無味,所以我唔太清楚房間內的私人風呂是否溫泉還是熱水!
洗手間設於門口玄關位旁,乾淨整潔,讚!
酒店十分細心,每天都為住客準備了籃及毛巾,方便住客到公眾溫泉區浸過痛快。
公眾溫泉設於6樓,備有室內及室外溫泉,及兩個私人溫泉室。
這是私人溫泉室,設備齊全,得!
6樓溫泉區外更備有不同冷飲及熱飲,免費任飲,爽!
酒店頂樓亦設有戶外亭園,呢度就無咩特別,不過最正係有免費罐裝酒任攞任飲,慷慨無比!
至於酒店嘅食用又如何呢?下集再續。
旅遊日期:2016年8月
留言
發佈留言