平時少食Sukiyaki ,原因係唔知醬汁份量如何安排,所以通常都係Shabu Shabu 一鑊熟算數。網友推介人形町今半,貪其有專人即場煑好,而且牛肉品質有保證,一於試新野。
黃金週推特別套餐,由於我們對牛肉刺身無興趣,所以每人一份OGI Course。
呢個頭盤靚到無朋友,但味道一般,唔太突出。
牛肉壽司味道大好,每人兩件實在唔夠喉,一陣就KO 晒了。
主角出場了,睇碟牛就知好野,再配碟菜,呢餐好balance呢!
無錯,日本侍應係會替我們逐樣煑好,一邊食,一邊煑,牛肉件件入囗即溶,加少許蛋汁,熱騰騰好味道!
最後仲有甜品食,雖然已經好飽,但我竟然可以清晒,去旅行增肥是唔需要理由的。
呢餐連兩杯梅酒約HK$1,600,雖然味道很好,但價錢一啲都唔平!
牛肉列明產地及編號,信心保證!
人形町今半位於新宿Hyatt酒店旁的第一生命大廈內,值得一試!
旅遊日期:2016年5月
留言
發佈留言