1我們未夠一㸃就到達下呂車站,本來諗住係information 攞張map 就跟住Google map 行去酒店,怎料係 information 遇著好心人,她幫我們打電話去叫酒店派車嚟接我們,等佐唔駛15分鐘就可以上車了!
係下呂呢個溫泉熱點,周圍都有溫泉浸,只要你喜歡,唔駛去酒店都可以免費享受溫泉樂!
嘩!呢個露天溫泉真係有人浸架!
浸腳地方隨處可見。
經在酒店工作嘅香港人極力介紹吓,我們行了172級樓梯上到溫泉寺,為佐可以係高處欣賞下呂景觀!
下呂溫泉都有條溫泉街,不過商舖較少,而且條行人路亦頗窄,不太好行,亦無咩好買!
為了消磨時間,我們比佐錢入下呂溫泉博物館。
呢度全日文,我們當然唔識睇,最後博物館嘅職員出嚟用簡單英文介紹部分嘅展覽比我們知。
他更親身示範如何做卡作留念,呢份敬業樂業嘅精神係香港真係買少見少!
相比起高山,下呂溫泉相對較樸素,大部分餐廳嘅午市只係營業到1時多,呢度好明顯只係賣溫泉!
旅遊日期:2015年10月
留言
發佈留言