開湯逾千年嘅下呂溫泉係日本 3 大名泉之一,正正因為呢個響噹噹嘅原因,我們在此住了一晚。
我們揀了2012年才開業的悠久の華,此溫泉酒店與富岳屬姊妹館,住客可享用富岳溫泉嘅大浴場。
由於唔想瞓地,我們揀了設有和式客廳及洋式睡房嘅房間(礼文草)。
房間設計乾淨簡潔,惜床榻較硬,略有不足!
呢度嘅其中一項賣點是浴室設有私人風呂,熱水一開便是50度的溫泉水,住客可以隨時享受溫泉樂,爽!
呢度住一晚,房價約HK$2,800,包佐早餐同晚餐。早餐及晚餐均在餐廳內的房間享用,可以繼續享受二人世界!
呢度嘅晚餐,餐廳會預先將食物一次過奉上,當我們一踏進房間時,即被成枱食物吸引住,香港人繼續相機先食!
早餐方面,則融合了日式和西式,不過咖啡唔包,需另外付費!
雖然呢度嘅食物質素不算差,但相比一、兩日前係高山 Honjin Hiranoya Kachoan 所吃的,似乎略有距離!我明白點解啲旅行團通常去到行程尾聲才安排食好住好了!
溫泉酒店可以安排接送至JR車站,適逢我們遇到由香港過嚟呢間酒店工作嘅香港人,他融合了香港及日本文化嘅優點,迅速地以廣東話為香港介紹了下呂溫泉嘅主要景點,仲分享佐唔少遊日本中部嘅貼士,敬業樂業,讚!
www.yukyunohana.com
旅遊日期:2015年10月
留言
發佈留言