旅遊是為了回來後可以行得更遠，也是工作的動力！2015年也有不少開心的旅行回憶，快樂無價！
因為慶生，1月例必出國；因為減價，1月例必遊日！今年選定住2013年才開業嘅 InterContinental Osaka，誓要豪一豪！InterContinental Osaka最正係無晒日式傳統房間嘅缺點，沒有一式一樣嘅日本廁所，而房間亦大到可以開逾廿個喼，加上價錢合理，又鄰近大阪站，相信向來極受港人歡迎的Swissotel 也要企埋一邊！
Check in 時 front desk 靚女睇完我本passport 已隨即送上一句生日快樂，而房間內亦有枝免費紅酒，雖然我們完全無時間享用，但已感到十分窩心，國際5星酒店果然不同！
邊個話櫻花只係日本專利？2月初台北之旅，中正紀念堂公園內的櫻花已盛放，wow! 唔駛等到3月已經可以睇櫻花！台北，你確實可愛！
4月初踏德國國土，十分喜愛呢個國家，他們不但友善，且消費合理，有野買之餘，仲有靚爆城堡。行上新天鵝堡的一段路，既浪漫又舒服，清新空氣任你吸！我呢個生活係香港嘅忙碌港女，竟然如此嚮往行山的自在！雖然沒有wifi 蛋，沒有facebook、whatsapp同 email做伴，但卻換來閒息自在，那份快樂絕對比係香港豪食豪買開心得多，神嘅創造實在美，這是我喜愛外遊的其中一個原因！
曼谷是港人做spa 或按摩熱㸃，不知從何時開始，呢度嘅spa 或按摩已靜靜地起革命，價錢越嚟越貴。5月初的曼谷之旅，我們四出尋找平、靚、正按摩，感恩我們遇上Center Point，呢度不但價錢經濟，且環境舒服，師傅嘅手勢亦唔錯！讚！
因為緣份，個人十分喜愛英國，雖則只事隔一年，我們還是再重遊！
因為曼聯，我們再次嚟到曼徹斯特，而亦因為曼聯，我們住係Football Hotel，足球嘅威力實在唔簡單！
個人覺得呢套以球衣設計為主題嘅浴室用品超靚，簡單得嚟又見特別！
呢次英倫遊巧遇 tube 罷工，每個巴士站除塞滿了當地人外亦有不少遊客，但我卻十分欣賞他們臨危不亂的安排。巴士站雖人多，但有工作人員即場派發巴士路線圖並協助遊客。當有巴士到站時，他們不是努力確實你有否付費，而是努力協助你上車，這樣的服務態度相信以經濟為主導的香港絕不會發生！
要係香港排長龍才有得食嘅美食，係東京就可以輕鬆吃到，香港人連有錢食也要付出較多，這究竟是好還是不好呢？
10月紅葉初見的白川鄉，在藍天白雲下顯得充滿色彩及活力！
雖然高山的名氣不及白川鄉，但我更愛高山的簡約和純樸，漫歩於高山古街，品嚐飛驒牛，暫時放下繁忙的步伐，其實生活可以很簡單很平靜，
2015即將完結，也要開始好好地計劃2016了！祝福大家向軟弱揮揮手，向剛強握手，開開心心、健健康康地走過2016！
留言
發佈留言