嚟到新宿當然要試吓朋友大力推介嘅六歌仙燒肉店，餐廳設於6及7樓，我們搭電梯時已見到餐廳在電梯大堂貼了吿示，表示當晩訂位已滿，果真誇張！我們比原定時間早到了半小時，但他們仍可安排坐位給我們。讚！
呢度以放題為主，我們中間落墨，揀佐每位12,660Yen 嗰款，仲加多每人2,100 Yen飲過夠，任飲任食兩小時之餘，仲可以同時燒烤及火鍋，一次過滿足兩個願望！
啲牛肉入口即溶，我們還是較愛燒牛肉，已經唔記得叫佐幾多round，確實無得輸。係香港食牛，十次有五次敏感，但係日本食就真係無咩問題，唔通外國嘅牛真係唔同D？
除佐牛外，燒蟹腳亦鮮甜都不得了，我們好似完全唔知飽咁，不停㸃！
呢度嘅放題選擇都算多，幾乎你諗到都有，爽！
基本上我們大部分時間都係燒烤，個鍋就用來煮菜，始終不喜歡燒出來的蔬菜吧！
飲飽食醉後再來個甜品，呢餐真係超滿足呢！
呢餐盛惠29,520 Yen，即約HK$1,900，唔算特別平，不過以如此食物質素及舒適環境，算是十分不錯！
旅遊日期：2015年9月
留言
發佈留言