人氣壽司店美登利極受歡迎，為了一嘗箇中滋味，我們約於黃昏5:30到達位於涉谷Mark City 4/F 嘅分店，一心諗住呢個時間少啲人排隊，怎料壽司店門囗已出現長長人龍，Sigh... 既然網友大力推介，我們就一於奉陪照排！
跟香港一樣，客人可於自助櫃台取票，跟住等叫號碼，唔識日文點算？不用擔心，因侍應亦會同時舉高號碼牌！
排佐差不多35分鐘，終於有得食。嘩！呢度嘅壽司set價錢由800Yen起，叫當季特選set都只係2500Yen，即約HK$165，抵到不得了。我們實行叫豪啲，每人叫佐set 二千幾Yen嘅壽司獎勵自己！
壽司即叫即整，既新鮮又好味！雖然我們坐bar 枱，不過師傅一般會一次過整好晒一盤才上枱，紫菜因而不夠脆！如果你識日文嘅話，可以學我們隔鄰嘅日本人咁要求師傅慢慢逐件逐件上，咁就更新鮮了！
除了壽司外，隨set亦附上蒸蛋，正！唔好睇少呢set野，我們飽佐成晩。本來打算夜啲再食野，最終係咩都食唔落。
除當季特選set外，綠色餐牌上嘅set亦有跟沙律同甜品，而呢兩款跟餐小吃竟然都好有水凖，真係抵食到無朋友！
美登利除佐係涉谷有分店外，係銀座、玉川、赤坂及吉祥寺都有分店，shopping 完記得去試吓！
www.sushinomidori.co.jp
旅遊日期：2015年9月
留言
發佈留言