鎌倉江之島一日遊

一日來回東京近郊有咩好選擇？推介神奈川縣的江之島及鐮倉。究竟呢度有幾好，等我一一數你知！

車費相宜

小田急線提供江之島 - 鎌倉周遊券，價錢只需1,470日圓，已可來回新宿及藤澤站/片瀨江之島站，並可任坐江之電，有效期一天，抵！

由於大部分景點都在江之電站附近，可以任搭江之電確實方便！

車程不算長

神奈川縣位於東京南面，坐小田急線由新宿出發，車程只需約80分鐘便可到達片瀨江之島站。

片瀨江之島站是最近江之島的車站，由車站步行至江之島只需約10-15分鐘。遊畢江之島後可步行至江之電的江之島站，乘江之電到鎌倉。

請留意江之島 - 鎌倉周遊券並不可坐直達片瀨江之島的小田急浪漫特快號。若坐小田原方向急行，可於相模大野轉乘江丿島線直達片瀨江之島站，又或於藤沢站轉乘江之電到鎌倉，視乎你想遊江之島先定鎌倉先！

遊懷舊小街

一踏進江之島，便會見到呢條懷舊小街，街道兩旁全是個性小商店及販賣江之島特色小吃的舖頭，有趣、有趣！

追尋櫻木花道的腳蹤

男兒當入樽經典場景就在江之電鎌倉高中前站旁，櫻木花道就在此遇見晴子的！

唔係講笑，呢度有唔少人等江之電經過才拍攝，當中當然唔少得我們啦！哈哈！

品嚐魩仔魚

江之島盛產魩仔魚，我們當然唔執輸歎番碗魩仔魚海鮮丼！

呢個活龍蝦魩仔魚海鮮丼只售3,000日圓，影完相後他們會將龍蝦頭煮湯並後上，好食呀！

美中不足係呢度出餐時間較慢，我們等佐差不多半個鐘先有得食，慶幸我們唔趕時間，既然旅行就將香港嘅速度放低吧！

買鎌倉名物做手信

嚟到鎌倉你會見到差不多人人都拿住有鴿子圖案的紙袋，究竟係咩咁厲害？豐島屋嘅鴿子餅已有約100年嘅，係鎌倉第一名物，嚟到鎌倉記得買啲返香港呀！

鎌倉有不少古廟、寺或佛像，個人對呢啲完全無興趣，可以省回時間去其他景點！在鎌倉JR站附近亦有一條商店街，內有不少特色小吃及商品，值得一遊！

星期六的江之島及鎌倉人山人海，日本人和遊客同樣多，下次去東京可以預留一日嚟呢到走走，感受另一面的日本文化！

 

 

江之島 - 鎌倉周遊券:

http://www.odakyu.jp/tc/deels/freepass/enoshima_kamakura/

旅遊日期：2015年7月

#東京 #東京近郊 #Tokyo #江之島 #鎌倉 #江之電