每次去探舊愛東京,例必住Century Southern Tower,雖然呢間酒店方便無比,但就舊佐少少,今次誓要攪攪新意思,住新野!
近年新宿開佐唔少新酒店,位於歌舞伎町嘅哥斯拉酒店應該係最近大熱之選,可惜我們無緣訂到較大嘅豪華雙人房,惟有選擇2013年12月開幕嘅Shinjuku Granbell Hotel。
Shinjuku Granbell Hotel 同樣位於歌舞伎町內,徒步至JR新宿駅東囗約需15分鐘,尚算方便。
網友評價standard房較細,我們一於住豪啲訂佐Designer Double Room。房間最特別係個特大浴室,備有獨立廁所和淋浴間,加上時尚設計,得!
Wow! 如此型格設計,我們真的在新宿嗎?
除了浴室外,房間內的皮梳化亦型到不得了!
Designer Double Room 所屬樓層只有10間房,隔聲做得非常好,床榻舒服,我們瞓得十分好!讚!
早餐位於12樓,選擇不多,味道尚可!一晚房價連早餐及稅約HK$2,100,呢個價錢係新宿絕對唔算平,不過日行夜行後有覺好瞓確實十分重要呢!
酒店位於歌舞伎町內,位置比哥斯拉酒店更入,沿途經過唔少娛樂場所,見識不少。始終身在日本,治安尚算ok,無需擔心!
旅遊日期:2015年9月
留言
發佈留言