每次路過此以明星作招徠的馬辣信義店都坐無虛席，無論晩上8㸃定黃昏5㸃，總之無訂位就唔駛諗。農曆大年初一係酒店check in後已差不多下午2點，反正順路便走上去碰碰運氣，竟然有位，終於有機會一試呢間紅店！
雪糕必定是麻辣火鍋嘅最佳拍檔，但無諗過係呢度嘅雪糕竟然係高檔嘅 Movenpick 同Haagen-Dazs！真係食完兩個鐘，包你可回本呢！
假期收費台幣635（約港幣163）一位，包湯底、食物、飲品同甜品，總之任食任飲兩小時，未食大概已明白點解咁旺場。
客人可任選兩款湯底，我們揀了麻辣同膠原蛋白鍋，麻辣湯辣味十足，嗜辣者必定大愛，但個膠原湯底就無咩特別，只是稍為比滾水好一㸃。
食物方面選擇眾多，包括肉類、海鮮、菜及菇類等達70多款，基本上比無老鍋或這一鍋的選擇還要多，我們揀得好開心呢！
咪以為他們將貨就價，呢度啲食物質素相當唔錯，帶子鮮甜、紐西蘭牛肉好味、牛百頁無漂白、手打蝦丸混有大隻鮮蝦，手打花枝又爽囗，惟每次送來份量不多，我們要不停encore 再encore。
飲品方面，除汽水外，價錢亦包佐啤酒同紅、白酒，連花茶都有，真係多元化到無得輸！
雪糕必定是麻辣火鍋嘅最佳拍檔，但無諗過係呢度嘅雪糕竟然係高檔嘅 Movenpick 同Haagen-Dazs！真係食完兩個鐘，包你可回本呢！
馬辣確實係平、靚、正嘅任飲任食火鍋之選，唔怪得經常爆滿，推介！
旅遊日期：2015年2月
留言
發佈留言