人生第一次到達蘇黎世機場竟然不是因為旅遊,而是為工作!臨行前同事比佐間餐廳名我,叮囑我一定要去試試,當我諗住搵Google Map幫手時,此行攪手兼負責人話帶我們出去試試地道菜見識吓,最後發現原來都係同一間餐廳 - Zeughauskeller。
Zeughauster 餐廳所在地前身是軍械庫,建於1487年,歷史悠久。攪手兼負責人話如果唔預先訂位,分分鐘無得食,估唔到瑞士D人咁貴都搵食困難,究竟瑞士人的錢從那裡來呢?
亞洲人最愛分享,來自香港及日本的代表決定齊齊試呢度較特別嘅菜色:
這個是餐牌寫住必試蘇黎世菜式,牛肉片同蘑菇片用白酒忌廉汁煮成,再配一塊大薯餅。老實講,個人覺得個汁普通得嚟略過鹹,反而我薯餅就有㸃驚喜。然而,當你可以係麥記食到一塊不錯嘅薯餅時,你自然會對一份CHF34.5(約港幣290)嘅食物要求高一㸃!
來自英國嘅代表推介呢個Mayor's sword,劍?呢把寶劍其實係牛肉,當侍應來劍時,大吸眼球,人人盼盼要求同侍應及寶劍合照!
咁好玩又好唔好食呢?個人覺得牛肉煮得太熟,一般般啦!不過呢把寶劍要成CHF79(港幣656),呢個價錢配呢個質素就相當普通了!
最後我們還㸃了甜品,可能外國人煮甜品總有一手,呢兩個甜品味道不錯,加分!
雖然呢度食物質素不太如意,但我們食得很開心,原因是不同地方嘅代表係毫無壓力下傾談得十分愉快!有趣的是原來外國人對中文和普通話都很有興趣,而我亦發現只有香港人才喜歡相機先食,咁究竟他們在facebook 放咩呢?
www.zeughauskeller.ch
旅遊日期:2014年12月
留言
發佈留言