12月中旬,蘇黎世氣溫尚未跌至零度,估唔到12月初的首爾比12月中的瑞士更冷,然而蘇黎世嘅聖誕氣氛比首爾更濃,滿街的燈飾頓時令人覺得聖誕老人的鹿車即將臨到!
聖誕市集 (Christmas Market) 似乎是歐洲人慶祝聖誕節其中一項主要活動,我們都唔執輸,一於約埋來自日本嘅斯文同事一齊出去感受聖誕氣氛!
蘇黎世嘅聖誕市集主要集中在Niederdorfstrass 同 Bahnhofstrasse 的Manor 百貨附近,如果你同我一樣諗住係聖誕市集買過痛快,你必定會像我般失望而回!
呢度嘅市集攤位唔算多,位於Niederdorfstrass 的 Christmas Market 規模較大,約有十多個攤位,而在Bahnhofstrasse 的聖誕市集則只有數個攤位。市集內賣嘅野相當普通,無咩特別,價錢亦貴,唔怪得睇嘅人多,買嘅人少吧!
不過隨街的燈飾和窗櫥內的聖誕佈置確實令人心花怒放,係香港大部分聖誕樹都放在室內,但係蘇黎世的聖誕樹唔單止放室內亦有放在室外,難怪節日氣氛特別濃厚吧!
希望來年12月再有機會去歐洲其他聖誕市集見識一吓!
旅遊日期:2014年12月
留言
發佈留言