12月初的首爾,氣溫已跌至負5度,保暖其中一個好方法就係不停食,結果係我們一日食足5餐。有名嘅人蔘湯、部隊鍋、神仙濃湯,辣雞等等通通都不放過,而我們最愛嘅食店係位於東大門嘅陳玉華一隻雞。
聽講呢度用嘅雞全是35日的嫩雞,所以肉質特別幼滑,雞湯味道鮮甜。究竟好食指數有幾高?可從有幾多人排隊等位略知一二。店舖內設有3層,我們嚟兩晚都坐無虛席,且要等位,不過就算要等,我們都覺得值得,因實在好味,呢個雞鍋可以話係我近年吃過最好味的!
一坐低店員已迅速地送來雞鍋、蒜蓉、泡菜和年糕,雞鍋放了一隻完完整整的雞,還有薯仔等配料。店員一般都好醒目主動地幫遊客剪雞,蒜蓉是加落雞鍋內一同滾的,個湯真係正到無朋友!店內除了遊客外,韓國人亦很多,韓國人會將泡菜加落雞鍋內,我們又試吓,加佐泡菜的湯底仍然鮮甜無比,泡菜吸了湯的精華後更好味!若然未飽,仲可以加麵,總之一定食得飽!
在寒冷的天氣下,將一口口好味熱湯送入口真係倍覺幸福溫暖,這亦是我們短短4日3夜行程中亦嚟了兩晚的原因!
呢度唔單止好食,仲非常抵食,我們兩人飲埋啤酒都係約30,000韓幣(即約HK$230),真係無得頂!
係度食佐兩餐嘅有趣發現係韓國男人係要擔任剪雞角色,女的只在等吃。若一枱韓國人中沒有男士,班韓女就會叫店員幫手剪雞,此時此刻,我真係覺得港女又有幾港女呢?
旅遊日期:2014年12月
留言
發佈留言