精彩2014 - 最愛旅遊地方係？

係Facebook 見到朋友們嘅年度回顧，又係時候分享一下過去一年嘅旅遊趣事，同未有公開過嘅照片。

自311大地震後，已好幾年沒有去過東京，再次探訪這個曾經係我一年去3、4次嘅地方，感觸良多！別了數年，東京沒有甚麼改變，我喜愛的shopping㸃依舊精彩，晴空塔的出現再次提醒我日本人嘅強項。然而，不知為何東京人對華人沒有以往般熱情及禮貌。Hey！我們是來自香港，不會大聲叫喊，更不會隨地吐痰，請不要用同樣嘅眼神待我們！若果叮噹嘅百寶袋可以讓呢個世界更容易地分辨出你、我、他的不同，你話多好！

若果你同我一樣隻手容易生濕疹，誠意介紹你試吓呢隻可以係日本藥房買到嘅藥膏，由好心東京藥房職員推介，塗佐兩次已經藥到病除，正！東京，你仍然是我其中一個最愛的旅遊地方！

為了一睹梵諦岡的風采，4月我們去了scam city羅馬。出發前，各方好友不斷獻計教我們如何避免受騙，令我們防騙指數達到新高！感謝神的看顧，我們遇見的羅馬一點也不古惑，梵諦岡的美同圓形競技場嘅宏偉令我深深迷上了呢個scam city。最令我感動的是教徒們在烈日當空的情況下露天崇拜數小時，若果沒有神大愛的吸引，斷然不可能！

義大利的美㸃止羅馬咁簡單，我個人十分喜愛佛羅倫斯（Florence），佛羅倫斯不算大，徒步已可遊走，但呢個小城市不但食物好味，且好有人情味，我愛死老橋日與夜的美，經歷了時間洗禮的老橋，在沉靜中散發出醉人的魅力，與身旁的建築物構成一幅美麗的圖畫，我終於明白何謂女人味呢！

6月的台北遊另我再次感受到台灣人的創意無限，可能他們政府的視野不只聚焦於經濟，他們鼓勵創意，支持藝術，且不是空囗講白話，位於台北的松山文創園區正是其中一個很好的例子。台灣，你絕對是一個香港人理想的移居地！

7月的阿姆斯特丹遊讓我第一次經歷歐洲罷工的麻煩，雖然我覺得好煩，但歐洲人的冷靜簡直令我呢個港女百思不得其解。Well, 唯有送自己一句Keep calm and carry on!

香港的肯德基已日漸式微，連帶我對連鎖式的炸雞店好感不多，但7月的英倫遊徹徹底底改變了我的觀感。Nandos 的雞不但選擇多，且有唔同醬汁調味，基本上唔駛落咩醬汁都已經好好味。店內選用的雞全於英國飼養且不經油炸，又不添加防腐劑及色素等，絕對可以放心食用，下次遊英倫記得試吓 Nandos ！

10月第一次遊九州，無咩shopping 嘅九州暫時未被強國人攻陷，我們終於可以係度再次感受到日本人的有禮文化了！

既然九州無咩shopping 景㸃，我們終於可以慢遊Tokyu Hands，竟然比我係度發掘佐唔少好野，當中包括天然染髮用品，以後染密D個頭都無有怕啦！

12月初的首爾氣溫已跌到-5度，凍到無朋友。可能我獨愛日系時裝，面對韓服竟然沒有一點購買意欲，雖然日行夜行，但收穫一般！個人覺得東大門嘅韓服靚極有限，但勝在價錢吸引；明洞呢？我們發現大部分明洞賣嘅時裝都可以係東大門搵到，不過價錢貴一截，不知是否成街強國人所致。個人反而比較愛行弘大同新沙洞，無論如何，日本才是我最愛的戰場！

一心以為首爾係2014年最後一個旅程，怎料公司送來一個蘇黎世培訓課程，結果係首爾回來後隨即又再出發。由於個人身體問題，臨行先確實有點不安，慶幸出發前傳道人的分享，令我明白神總有預備。人生第一次踏足瑞士，第一次婚後沒有老公在身旁的旅程，感恩尚算順利過關。

回程前我們係巴黎逗留了兩晩，作聖誕前shopping最後衝刺！為佐要幫同事買心愛Hermes袋，我們四出奔走，原來係Paris買Hermes 真係比瑞士平，以Garden 為例，退稅後係Paris買嘅價錢比瑞士平3千，真係唔簡單，唔怪得Paris嘅Hermes店塞滿人啦！

工作是為了可以遊得更多，出走是為了可以行得更遠！開blog 一年多，能夠堅持至今，全賴你們的鼓勵。2014的精彩，又怎會沒有你的參與？衷心祝福各位2015年更豐盛，更蒙恩！

Nandos.co.uk