於今年4月才開幕的Madison Taipei 鄰近台北捷運信義安和站，交通便利。開業只有兩個多月，酒店已在tripadvisor 427間台北酒店中排第20，且獲100%讚好！100%？係，我都係第一次在tripadvisor見到呢個百分比！
不知是否初開業，酒店服務好到不得了，不但可以提早check in同延遲check out，我們在酒店外一落的士，服務員已立即上前迎接並主動提出幫忙，而每次從酒店出外，他們都會問我們去邊，是否需要的士等，老實講香港人真係唔太習慣如此殷勤的服務！
酒店走型格路缐，裝修時尚，房間寬闊，張床極度舒服，正！
唯一美中不足係酒店早餐未達水準，早餐雖然選擇多，但味道一般，且種類奇怪。可能我年紀大，大清早真係食唔落炒飯、意粉同豬扒！可惜正常早餐選擇如腸仔和烚蛋則欠奉，而對我十分重要的吊命咖啡亦極度難飲！看來酒店真係要係早餐方面下D工夫！
旅遊日期：2014年6月
留言
發佈留言