無老鍋以養生掛帥,網上食評盛讚其白湯即冰淇淋豆腐湯十分出色,故特意前來一試!
無老鍋屬鼎王集團,裝修設計跟鼎王差不多,環境舒服。
我們㸃了個鴛鴦鍋,辣鍋可選擇辣度,且可隨時要求加辣!最吸引我的不是辣湯,而係呢度嘅白湯。這是我人生第一次品嘗湯內有條人蔘嘅火鍋,越食個湯D人蔘味越濃,真係正到無朋友,我們飲佐唔少呢!
無老鍋的豆腐和豬紅切得薄薄的一片片,成功吸晒個湯嘅精粹,Like!
雖然食物的選擇唔算多,但十分新鮮。他們溫柔且親切嘅服務員特別前來教我們如何煮牛肉,只用8-10秒煮成的牛肉確實嫩滑很多,我們兩個人竟然可以KO兩碟!勁!
蘭花蚌是期間限定,鮮甜爽口,只售149台幣,教我如何不愛台灣呢!
雖然同屬鼎王集團,但除湯底不一樣外,收費亦有不同。鼎王每次加豆腐和豬紅均需額外收費,但呢度就係免費!那不是更好嗎?
另外,無老鍋會係用餐中途送來水蜜桃沙冰,沙冰比凍飲更透心涼,十分欣賞他們的貼心!飲完仲可以再encore,而且是免費的,似乎無老鍋比鼎王更慷慨!
今年年初鼎王所用的食材被驗出有問題,後來已全通過測試並獲確認安全,大家可以放心食用。
提提你,嚟無老鍋之前記得先訂位!
旅遊日期:2014年5月
留言
發佈留言