旅遊人生快樂無比,如果臨行前才知道飛唔到,除佐失望到想喊外,仲要蝕埋旅費,真係比日日OT更難受!
話說我趁著4日公眾假期飛名古屋旅行,機票confirm、酒店訂好、行程ready,Yen又換好,唔知係咪太興奮,臨飛前兩日竟然覺得天旋地轉,確診耳水不平衡!感冒都可以食藥照上機,耳水不平衡發作,醫生話起碼兩星期內唔可以坐飛機,此時此刻簡直心如刀割!
已經無得玩,D錢可唔可以攞返呢?我立即call travel agent 叫佢幫我cancel機票同酒店,慶幸我的機票class可取消同退款,不過要比幾百蚊手續費!酒店呢?因為最少要3日前取消,所以無得退!當初諗住訂豪D,peak season3晚5星酒店差唔多9千蚊!旅遊保險cover嗎?我立即打去請教保險界好友,哈哈!原來可以claim 到!填佐claim form、寄埋醫生證明信、travel agent 賠償安排email同單據,約一個月後就收到錢,連CX嘅refund 手續費都可以攞返!Like!
我買佐邊間公司嘅旅遊保險?我向來支持出佐名服務好嘅本地綠色大銀行!
留言
發佈留言