Work Heart Play Heart!

出發前還以為德國無咩好買，㸃知最後係要買多個Rimowa hand-carry喼先夠放戰利品，最終係半個喼去，3個喼返（1個28寸、1個26寸及1個21寸），仲未計手拿的3大袋手信，確實唔簡單！唔好諗住可以係德國買Hermes，法蘭克福嘅Hermes店，款式少到不得了，相比巴黎店，完全唔掂！唔知係咪我好彩，Chanel 法蘭克福店竟然係我們旅遊期間裝修！LV貨品算是最齊全，不論柏林、慕尼黑或法蘭克福都總有一間大LV係附近，LV迷絕對唔需要擔心！除佐呢D女士至愛外，究竟德國仲有咩好買呢？Birkenstock、Lloyds同Hugo Boss 呢3個德國牌子比香港平一大截，若係outlet買，價錢接近半價，我們買到儍佐！計埋退稅，呢個classic 款Rimowa 比香港平近HK$3,000。而呢款就平佐接近HK$1,300，無計依家歐元只係對8.4，淨係計滙率都夠抵！女士們買唔到Hermes 袋唔駛太失望，呢度買Swarovski 同 Pandora一樣比香港平！我係outlet 買Pandora，價錢係50%-70% off，137歐羅就有交易，仲可以退稅，正！係德國，買夠25歐羅已可退稅，基本上係Zara買件衫已可以，德國政府算是對遊客十分慷慨！可能太容易符合退稅要求，樣樣野都變相多個額外折扣，我們買得勁開心，而大部分店員亦唔會check我們passport，只係再印多張退稅單比我們自行填寫有關資料，非常方便！不過係機場攪退稅手續，就相比係意大利、巴黎同英國煩，首先要攞D行李去航空公司櫃台check in，若果行李內有退稅品，要等空姐係件行李整好條登機標籤後，再攞番D行李同單據去custom，海關會係單據上蓋印，跟住再去退稅櫃台，你可以選擇取回現金又或者退落信用卡，但取現金就要每張單收3歐羅手續費，嘩！咁當然揀信用卡啦！攪完晒退稅手續，就可以攞D寄倉行李去旁邊counter，他們會安排D行李登機，整個過程連排隊，我們差不多用了一小時呢！德國退稅額為8%至接近12%，視乎商舖而定，LV及Rimowa退稅額較高，而Zara則較低！提提你瑞士已不是歐聯國家，係瑞士買嘅野唔可以係歐元區退稅架！旅遊日期：2015年4月唔得閒去歐洲掃平貨？唔緊要，依家香港有很多代購服務，實行為各位以更低價錢買心愛產品，（容許少少廣告時間）誠意推介呢間由好朋友主理的歐...

冬天的白濱絕對不可錯過

每次一月遊大阪都只係shopping、shopping 同shopping。除咗因為一月係減價月外，亦怕周邊落雪，揸車唔方便。今次破天荒先去和歌山縣嘅白濱浸溫泉，义足電後才去shopping! 飛佐n次大阪，今次先第一次遊和歌山，絕對大鄉里！由關西機場揸車去白濱約個半鐘車程，非常方便，快閃埋Rinku Premium Outlet 先開車出發都仲得，正！白濱相比和歌山市較清靜，有唔少不可錯過的景點。千疊敷是由砂岩所形成的岩盤，砂岩質地非常軟，被海浪長年累月的侵蝕後，形成今日的景觀。我們一早嚟到，雖然風大，但我們都影到夠才肯走，靚。鄰近白濱水族館的円月島是白濱的象徵之一，島中央有個圓形的海蝕洞，非常特別。泊低架車係一邊，就可以影到夠，得！水清沙幼的白良濱係另一熱點，由於海水溫度較高，白良濱係本州最早可以行下水禮的沙灘。無論你是否愛吃海鮮都絕對不可錯過南紀白濱とれとれ市場（Toretore海鮮市場），裡面除可以買到和歌山手信及特產外，仲可以食到平、靚、正嘅海鮮。可能呢到嘅遊客比和歌山市少，とれとれ市場嘅海鮮相比黑潮市場平。我們用1000Yen買到10隻帶子（原本係1000Yen6隻，係0講價嘅情況下，靚仔送多4隻比我哋），2000Yen買到一盒海膽，重點係新鮮！買齊海鮮就可以去BBQ區即燒嚟食，只需比300Yen（每位計）就可以有齊燒烤用具同調味料，仲有專人幫你點火！各位去白濱的朋友仔，一定一定一定要嚟食呀！旅遊日期：2020年1月

為何英國教會願意花那麼多時間在社區活動上？

在英教會（非華人教會）與香港教會大不同，英國教會每星期也會舉辦不同的社區活動，當中包括Toddler Group、Coffee Morning、Warm Welcome 及Bereavement Group，甚至有特別為香港人而設的活動，感覺就像是社區中心般。在福音派長大的我，初到步時實在有點困惑，為何他們會花那麽多時間在社區活動上而不是在傳福音上呢？曾經跟英國牧者傾談，首先他們希望透過不同的社區活動祝福社區的人，實踐愛鄰舍的聖經教導，另外他們亦希望讓區內的人知道教會的門永遠為他們打開，隨時歡迎他們進來。牧者說在英國不少人在嬰孩時期已經接受洗禮，但並不代表他們會參加教會聚會或長大後會完成 confirmation 的安排。一位年長的英國本地信徒告訴我，很多年青一代的本地人並不願意參加教會聚會，因為他們選擇相信科學！慢慢地我開始欣賞他們的社區工作！事實上，有不少非信徒的香港人由參與者，轉變成義工的一份子，這就是香港人的情。正如之前在香港靈命日糧事奉時所認識的牧者林傳道所說：「信仰要融入生活，融入別人的生命，才能幫助別人在你的生命中看見主。」盼望隨時歡迎你們進來的教會，有一天會成為你們的家。💕 English version 日期：2024年11月

Work Heart Play Heart

瀏覽個人檔案

舉報濫用

由 Blogger 提供