新天鵝堡是德國眾城堡中最受歡迎的一個，據說迪士尼樂園內的睡公主城堡也以此為設計藍本。雖然新天鵝堡內的裝修工程尚未完全完成，但每年已吸引眾多遊人前來參觀。
提提你由ticket office 搭番去富森火車站的巴士班次比較疏，約一小時一班，若果你已買定回程火車票，記得到達時先記底巴士班次，以免錯過火車時間！
新天鵝堡建於1868年，個人覺得其內部裝潢比巴黎的凡爾賽宮更精雕細琢，令人嘆為觀止，值得一看！可惜城堡內嚴禁拍照，故未能在此與各位分享城堡內的美。
由於唔想搬行李，所以決定一天來回慕尼黑及新天鵝堡！我們預先於網上訂好火車票，似乎德國境內火車並沒有海鮮價，無論我咩時候入去網站睇，價錢都係一樣，無大分別。我們訂了7:53am的火車，由慕尼黑central station出發去富森（Fussen)，中途不用轉車，約於9:56am便到達富森火車站。沿途景色超靚，我全程陶醉於窗外景色中，完全無瞓過！
到達富森後，可於火車站對出坐78號巴士，巴士會將你送到城堡的ticket office，車程只需約10分鐘。
請留意遊客必須參加新天鵝堡內的導覽團才可入內參觀。由於我們已預先係網上訂票，嚟到可以係Reserved Ticket counter 比錢取票，差不多完全唔駛等就可以即刻攞到預訂導覽團場次的票，爽！
就現場所見，幾乎所有人都無預先訂票，買票人龍勁長，相信起碼要排一個鐘先可以買到票呢。唔想排隊的朋友，記得預先在網上訂票啊！
買完票後可有3種方法上山參觀城堡，分別係坐馬車、小巴或步行。我們的參觀場次是12:25pm，由於有足夠時間及為了呼吸更多德國牌新鮮空氣，我們決定用雙腳步行上山。上山沿途景色優美，相機及iphone比對腳更忙，停吓影吓又行吓，唔駛40分鐘就可以上到新天鵝堡附近！
途中更可以影到舊天鵝堡，正！
雖然完全唔辛苦，但4月初的富森仍很凍，我們入了城堡附近的一間餐廳休息及醫肚！
作為熱門遊客區內的獨市餐廳，實在有齊所有理由收高價，令我們跌眼鏡的是呢間餐廳不但收費合理，且食物味道好，靚女侍應又友善，洗手間又極其乾淨。德國，你真是很可愛！
食飽飽就準備入場參觀啦！上到新天鵝堡，我深深被呢座1868年嘅建築物吸引住，我們影過不停，去相：
影夠後就差不多夠鐘入場參觀了，新天鵝堡外會顯示入場場次及時間，基本上每5分鐘就有一團，勁！
導覽團全程只有約30分鐘，完畢後會經過兩間紀念品店，紀念品價格亦尚算經濟。
原本打算參觀完城堡後行去Marien Brucke，據說那裡可以影到最靚嘅新天鵝堡，可惜因為積雪關係，行去Marien Brucke的路被封閉，唔緊要，我可以有個藉口下次再嚟！
行番落ticket office 後千萬不要立即搭巴士回富森火車站，因為靚到不得了的阿爾卑斯湖（Alpsee）就係Museum 附近，阿爾卑斯湖的湖水清澈見底，在雪山和綠樹的影照下，影色秀麗，簡直令人心曠神怡，正！
德國火車班次及預訂：
新天鵝堡網上訂票：
https://www.hohenschwangau.de/765.0.html
旅遊日期：2015年4月
留言
發佈留言