每次路過此以明星作招徠的馬辣信義店都坐無虛席,無論晩上8㸃定黃昏5㸃,總之無訂位就唔駛諗。農曆大年初一係酒店check in後已差不多下午2點,反正順路便走上去碰碰運氣,竟然有位,終於有機會一試呢間紅店!
假期收費台幣635(約港幣163)一位,包湯底、食物、飲品同甜品,總之任食任飲兩小時,未食大概已明白點解咁旺場。
客人可任選兩款湯底,我們揀了麻辣同膠原蛋白鍋,麻辣湯辣味十足,嗜辣者必定大愛,但個膠原湯底就無咩特別,只是稍為比滾水好一㸃。
咪以為他們將貨就價,呢度啲食物質素相當唔錯,帶子鮮甜、紐西蘭牛肉好味、牛百頁無漂白、手打蝦丸混有大隻鮮蝦,手打花枝又爽囗,惟每次送來份量不多,我們要不停encore 再encore。
飲品方面,除汽水外,價錢亦包佐啤酒同紅、白酒,連花茶都有,真係多元化到無得輸!
馬辣確實係平、靚、正嘅任飲任食火鍋之選,唔怪得經常爆滿,推介!
旅遊日期:2015年2月
留言
發佈留言