嚟到首爾的指定動作必是shopping,所以我揀佐間在首爾站及南大門附近的酒店 - Millennium Seoul Hilton。
TripAdvisor 朋友仔大部分留言話方便,睇地圖亦真係好近首爾站及南大門,就算步行至明洞亦無問題,而且酒店係TripAdvisor排名甚高,價錢亦合理,今次諗住萬無一失,怎料。。。
我們從機場坐Express Train直達首爾站,係車站出囗已經望到酒店,便步行到酒店check in。行到咁上下已開始覺得唔對路,酒店在山坡上,去酒店要上斜,而且其中一條斜路更斜逾50度,我們拿住行李,行到扯晒蝦,係負2度嘅氣溫下,我竟然行到出晒汗,真係好想講粗口!
話晒都係Hilton,酒店大堂尚算華麗,且設有大聖誔樹在中央位置,充滿節日氣氛!房間寬敞整潔,但設計old school,並不是我杯茶,個人覺得酒店係時候要翻新一吓了!值得一提的是酒店並没有提供牙刷及牙膏,忘記了此舉是否首爾傳統,大家記得自備了,不過我們在便利店買了兩set牙膏及牙刷,價錢仍算合理!
由首爾車站坐的士去酒店,車程約10至15分鐘,價錢約3,000 至5,000多韓幣,我們發現在近Express Train那邊出囗的的士站搭車較抵,因司機不用兜路。大部分的士司機都完全聽不懂英文,我們要出示酒店地圖給他們,才可溝通成功!
Well,下次遊首爾,又要再覓好酒店了!
旅遊日期:2014年12月
留言
發佈留言